Matua, Talavou Ma Komiti FauFautua A Le Faalapotopotoga (PYCAB)

Matua, Talavou Ma Komiti FauFautua A Le Faalapotopotoga (PYCAB)

O le Komiti Faatonu e gafa ma le atinaega o le va-i-fafo o le aoga ma le siitiaga o lona tulaga, ae o le Komiti a Matua, Talavou ma Faufautua mo Faalapotopotoga (PYCAB), e gafa lea ma le faa-ofiina o anavatau moomia mo sosaiete aemaise o mea e ao ona faamuamua mo le faatautaiga o le aoga i lea aso ma lea aso. E 8 komiti galulue o loo faailoa atu i lalo:

O LE VAEGA O LE SUIGA MAI AOGA MAUALULUGA

O le faamoemoe o lenei komiti ina ia faatulaga taiala ma polokalame e fesoasoani ai i tamaiti aoga i le suiga mai aoga ogatotonu mo aoga maualuluga.

KOMITI MO AOGA FAAPITOA

O le faamoemoe o lenei komiti o le suesueina lea o faiga talafeagai e lagolagoina ai tamaiti o aoaoga faapitoa ina ia gafatia le siosiomaga o aoaoga maualuluga.

KOMITI GALUE MO LE SOSAIETE

O le faamoemoe o lenei komiti, ia atinaeina auala ina ia maua, uunaia ma faatumauina ai aiga fou e auai i komiti faafofoe a le ODA.

KOMITI O FEAU ESEESE

O le faamoemoe o lenei komiti ia atinaeina ma faatulagaina se lisi o mea e ao ona faatino mo se nofoaga tau aoaoga ma vaavaai se nofoaga talafeagai i East Palo Alto/ East Menlo Park.

KOMITI O TU MA AGA FAA-AOAOGA

O le faamoemoe o le komiti lenei, ia faailoa tulaga aga talafeagai faaleaoaoga, faalemafaufau, faafesootaiga, faalesoifuamaloloina ma faaleagaga mo le aoga faapea ma plolokalame e faaolaola ai nei aga talafeagai i soo se vaega o le ODA.

KOMITI O LE POTO MASANI MAI POLOKALAME FAAOPOPO

O le faamoemoe o lenei komiti ia faailoa, faatalatalanoa ma faun i polokalame faaopopo faatasi ai ma le fuafuaina o seleni moomia.

KOMITI O TAGATA FAIGALUEGA

O le faamoemoe o lenei komiti ia iloiloina ni taiala ma agavaa moomia mo le filifilia o faiaoga ma le aufaigaluega i le ofisa. Faatasi ai ma faia o taiala mo tofiga eseese, le faafaigaluegaina o latou ua filifilia ma e ua ofoina mai le latou fesoasoani, fapea le mataituina oi latou nei.

KOMITI O LE VAEGA FAA-TEKONOLOSI

O lenei komiti e faailoaina tekonolosi tau komipiuta e talafeagai ma polokalame eseese. E aofia ai polokalame tauaoaoga, o le va fesootai, lagona, ma mataupu faaopopo a le ODA.

O komiti nei e 8 o loo tatala le avanoa mo soo se tasi e fia auai (fesootai soo se tasi o faauluuluga e toa fa mo nisi faamatalaga). E filifilia e le komiti lona taitaifono, oi latou e avea ma komiti tutotonu o le PYCAB. O le komiti tutotonu o le PYCAB e mataituina galuega a komiti uma, ina ia o gatasi ma faiga faataatitia ma ia aofia ai sui uma oa tatou sosaiete. O le taimi nei o Tiffany o loo avea ma taitaifono o le Komiti Faatonu. Ao lenei komiti. 

Fai se sao ile Polokalame
Ina ia malamalama I suiga a le ODA

Lou igoa (required)

Lau Emeli (required)

Auai I Talanoaga