O LE KOMITI FAAVAE

FEILOAI I A’I LATOU OI TUA O LE MATOU MISIONA
TYLER BOSMENY
PULE SILI, CLEVER

O Tyler Bosmeny, o le pule sili o le vaega a le Clever i San Francisco. O lana polokalame komepiuta o le Clever, ua faafaigofieina ai e tamaiti aoga ona faaogaina o polokalame komiputa. Talumai le faalauiloaina o lenei polokalame komepiuta i le 2012, ua tele nisi polokalame komepiuta ua latou faaaogaina i totonu o Amelika. Ua faaeaina foi le Clever ini faailoga tauoloa, e aofia ai faailoga mai le SIIA, SXSW, and ASU. I le 2014, na filifilia ai Bosmeny i le toa 30 filifilia o le vaega i lalo o le 30 tausaga a le Forbes ona o le taua o le polokalame o le Clever i tulaga tau aoaoga. Na faauuina Bosmeny i faailoga tauoloa e lua o le BA (Applied Mathematics) ma le MA (Statistics) mai le Iunivesite o Harvard.

DANY CESEÑA
FAATONU O LE VA FESOOTAI, TUSIATA MA LE MUSIKA

O Dany Cesena, na soifua ma ola i nuu tuaoi o le Saute Ogatotonu o Los Angeles, i Kalefonia. O se aai e malosi tele le faataua o le siosiomaga, ma o iina foi e tele talavou o le MMAP e aumau ai. Ina ua mae’a ona faauuina Dany i le faailoga taualoa o le BA (Philosophy) mai UCLA, na me’i ai loa i Korea i Saute ma galue ai ose faiaoga Inilisi, ma faaauauina ai lana galuega faafaiaoga i le aoga a YMCA. Ua toe fo’i Dany i Amelika, ma faamautu ai loa i le Bay Area, ona o lona fia galue ma fesoasoani i faiga faa-malo ma faapena ona maua ai lona avanoa faa-taitai e galue faa-paaga ai ma le MMAP, ina ia faailoa fesoasoani moomia mo tagata lautele. O le faalapotopotoga o le Americorps, o se auaunaga mo tagata lautele e lagolagoina e le faiga-malo o Amelika, matagaluega ma isi auala o fesoasoani, ina ia maua le fesootaiga lea o tagata matutua ma auaunaga faasosaiete ma galulue faatasi i le ausia o le autu “ fesoasoani le tasi i le tasi ma taumafai e ausia manaoga moomia i totonu o sosaiete ma faalapotopotoga”.

Na siitia le tulaga o Dany ma avea ai o ia ma Faatonu o Fesootaiga ma le Va-i-Fafo, ma ia taitaia ai le tele o polokalame a le MMAP. E aofia ai le HEArt, HHH, TMP, YLA, GtS. Ua ia taitaia foi ma vaaia le tele o poloketi a le PAC, o le autu lava e mo le manuia lautele o tagata o le sosaiete ma faalapotopotoga.

Ona o le tele o le sao o Dany i polokalame faa-autalavou ma sosaiete, ua maua ai isi ona avanoa e fesoasoani ai i galuega vaega o le taulaga, faatalatalanoa ofisa tausi tulafono ma faalapotopotoga a autalavou, ma tautala ai i fonotaga ma ni tuufaatasiga e uiga i lana galuega i le MMAP, ma isi.

RACHEL COCHRAN
OFISA SINIA O VAEGA FAAPAAGA FAIPISINISI, EVERNOTE

Na amata mai le soifuaga galue o Rachel i New Haven, Connecticut, o se faiaoga i le vasega 3, o ia o se pisikoa faiaoga i le Teach for America corps. Na faauu mai Rachel i le Iunivesite o Connecticut, mai mataupu o le faapisinisi ma le aia tatau a tagata. Ina ua mae’a lana galuega faapisikoa, na faaauau loa Rachel i lesi laasaga fou o le galueaina o agavaa, ma ia taitaia ai le polokalame o le Achievement First, o se tasi o matagaluega i NY, Connecticut ma Rhode Island, o loo siitia pea lona tulaga. Na mulimuli ane galue i galuega fesoasoani mo le matagaluega o aoaoga a NYC, e faatinoina Agavaa Faa-taitai ma Filifiliga Faa-pule e aofia ai aoga e sili atu ma le selau. I le mae’a ai o lana galuega lea, sa avea loa o ia ma se tasi o le vaega faavae e faa-faigaluegaina tomai ma agavaa moomia mai faalapotopotoga ma sosaiete. Na ia lagolagoina foi le polokalame a le EHTP ma lona faalauteleina, mai le 40 i le 150 tagata faigaluega, ma fausia se taiala e faatautaia agavaa ma tomai e o gatasi ma le mau a le EHTP faataatia mo le lima tausaga. Ao iai pea Rachel i NY, na faauuina ai o ia i le faailoga taualoa o le MA (Public Administration) mai le Iunivesite a NY. O le tausaga e 2014, na me’i ai loa Rachel i le Bay Area e lagolago le faamoemoe o le Teach for America Bay Area, e faatosina atu, manatua ma atinae sui sa aoaoina ai. O le taimi nei, o loo galue Rachel i le Evernote, e faasoa lona tomai ma agavaa e fesoasoani ai i isi tagata.

LORENA CUFFY
PULE O LE VAEGA TAU SUETUSI, RAVENSWOOD

O Rena na ola a’e i nuu tuaoi o Belle Haven, Menlo Park. Na mae’a loa ona maua lona faailoga AA i le Accounting mai le Kolisi a Canada, na faaauau loa isi ana aoaoga i mea tau Fesootaiga ma le Va-i-fafo i le Iunivesite Faavaomalo a Florida. Na toe fo’i Rena i lona nuu, e galue ma auauna ai.

I le tele o tausaga ua mavae, sa faigaluega ai Rena ma faalapotopotoga mo tagata lautele i totonu o East Palo Alto, latou te faia aoaoga ma auaunaga mo nai tagata nuu o manaomia tele le fesoasoani. O Rena, o se tasi o sui galue e fesootai ma sosaiete faapea foi ona maualuga i galuega faatino i tua a le Ofisa o Faamaumauga a Amelika. E fiafia foi lenei tamaitai, e galue e aunoa ma se totogi mo le EPA Jr. Golf, o ia o e gafa ma le faafoeina o polokalame, faatasi ai ma lona galue o se ofisa i le vaega tau tupe (One America). Na ofi atu Rena i le aoga a Ravenswood, ma faigaluega ai i le 2013.

O loo nofo nei Rena i East Palo Alto ma lona atalii o Yeshua. E fiafia tele la’ua nei i le siosiomaga o fafo, musika ma le siva. O se mitamitaga mo laua le ta’ua o East Palo Alto ma o la aiga, ona o le matagofie o ona siosiomaga ma talaaga, faapea tu ma aga a tagata, e le faagaloina.

MALLORY DWINAL
PULE SILI MA LE TAGATA FAAVAE, OXFORD DAY ACADEMY

O Mallory Dwinal, o le tagata lea na uluai faavaeina le aoga a le ODA ma o ia foi o le pule sili. O lona naunautaiga o le faamalosia lea o aoaoga faa-taitai i aoga a le malo, aua e iai lona talitonuga, o le tele o lona tomai ma agavaa ua iai nei, na faafaileleina mai i aoga a le malo. E fitu tausaga talu ai, na galue ai lenei tamaitai o Mallory i le fausia o tulafono e mulimulitaia e le ODA, ma ona faiga faavae e tusa ma tu ma aga a aoga a le malo. O le faamoemoe autu lava, ina ia iai se aoga o aoaoga faa-vasega i aoga maualuluga i mea o tutupu i le olaga nei. O Mallory, sa faauuina i faailoga taualoa o le BA (Economics, Spanish ma le International Studies) mai le Iunivesite a Northwestern. O loo ia umia foi le faailoga pito i maualuga, o le fomai i mea tau aoaoga mai le Iunivesite a Oxford, ina ua mae’a ai lena o lana faailoga o le MBA mai le aoga faa-pisinisi a Harvard.

SHARA HEGDE
PULE SILI MA LE TAGATA FAAVAE, ALPHA PUBLIC SCHOOLS

O Hedge e sau mai Boston, Massachusetts. O ia sa mauaina ma faavaeina le Cornerstone Academy i le 2010, ona o le lagolago malosi a le BESF, o se polokalame a le malo mo le aoaoina ma le lagolagoina o le faatuina o aoga maualuluga. Talu mai ona tatalaina lenei aoga, ua avea lava le Cornerstone Academy ma se tasi o aoga e molimauina lava le tulaga maualuga e oo iai le taumafai o tamaiti aoga. I le avea o Hedge ma ofisa faatonu, o lona tiute o le mataituina lea o le alualu i luma o le taumafai ma le ola faamanuiaina o tamaiti aoga, faapea le aoga. E tele ma anoanoai isi matafaioi a Hedge, o loo auauna ai i totonu o le sosaiete ona o le naunautaiga lava, ia fesoasoani mo le lelei lautele o tagata aemaise o tulaga tau aoaoga. O faailoga taualoa o Hedge, e aofia ai le BA (History) mai le Iunivesite a Brown i Providence, RI, MA (Education Policy, Organisations, ma le Leadership Studies) mai le Iunivesite a Stanford. E iai foi lona faailoga taualoa faaopopo o le MA (Instructional Leadership ma le Administrative) mai Oakland, CA.

SIGGI HINDRICHS
LOIA, AOGA LOIA A STANFORD

Na faauuina Siggi Hindrich i lona faailoga taualoa o le BSc (Commerce) mai le Iunivesite o Virginia, ma lona MA (Education) mai le Iunivesite o Boston. Sa faiaoga Siggi i le vasega 8 i le mataupu o le numera, i le aoga a le malo o Boston, ma sa ia taitaia le faafaigaluegaina o faiaoga mo lana aoga i le tausaga muamua ma avea ai o se taitai i lona tausaga lona lua faa-faiaoga. O tua atu o lana galuega faa-faiaoga i totonu o potu aoga, e tele nisi matafaioi o Siggi, o loo fesoasoani ai i faalapotopotoga ma matagaluega, ina ia faatupulaia le faafaigaluegaina o faiaoga mo le manuia lautele o sosaiete.

E iai foi le tomai o Siggi i tamaiti e iai manaoga faapitoa, ma e fesoasoani foi e fausia auala faafaigofie e fesootai ai ma nai nei fanau, faatasi ai ma le tomai e malamalama ai i amioga eseese a nei fanau. E iai foi lona agavaa e faufautua ai i tulaga tau aoaoga mo le alualu i luma o le aoaoina i totonu o potu aoga, aemaise lava foi i tamaiti aoga e le lelei le tautala i le gagana Inilisi.

O le 2015, na galue ai faasoloatoa Siggi i le YELP i le aoga loia a Stanford. O iina, sa maua ai lona tomai e faatautaia ai auaunaga faatulafono e ao ona mulimulitaia e tamaiti aoga ma aiga, aemaise o le va lelei ma aoga e iai manaoga faapitoa. O le taimi nei o loo aoga o ia i le aoga loia a Stanford, ma o loo faiaoga ai foi i poloketi eseese aua lava le atinaega o tagata lautele.

ROSALYN MENON-KENNEDY
OFISA O FESOOTAIGA, GOOGLE

O loo faauluulu i a Rosalyn Kennedy le ofisa o fesootaiga a le Google, mo latou la-la i Matu ma Saute o Amelika. E tele le tomai ma le iloa o lenei tamaitai i mea tau fesootaiga ma e tele ina malo ai i tauvaga ma maua ai ona faailoga mai kamupani eseese o loo tautua ai. E pei o le kamupani o le Coca-Cola, Dr. Oz Show, ma isi. E iai foi ona faailoga maua mai i nisi o polokalame a le televise, e auai ma faalauiloa ai lona tomai ma agavaa. O ia foi o se tamaitai tauva mo le lalelei o Pennsylvania, ma sa ia tauaveina lea pale mo le tausaga. O le tamaitai faauu mai le Iunivesite a Brown ma Columbia, i mataupu tau faa-tusitala. E tele ma anoanoai nisi o galuega fesoasoani a Rosalyn o loo fesoasoani ai i soo se faalapotopotoga, ina ia uunaia pea le ola fesootai lea ma tagata aemaise o le taumafai lea e fausia auala e faaleleia ai mea o faaletonu o le olaga nei, mo le manuia lautele o tagata.

ANUPAM MISHRA
PULE, HELLMAN & FRIEDMAN

O Anupam, o loo faapaaga ma Hellman & Friedman, o se tasi o kamupani pilionea, ma o loo ia taitaia le vaega mo faaputugamanatu i mataupu tau aoaoga ma komepiuta. E sili atu ma le sefulu ma le tasi tausaga o le iloa ma le tomai o Anupam, i galuega faa-faipisinisi aemaise o le taitaiga o se kamupani, mai lona soifuaga galue.

O Anupam, sa faauu mai i Magna Cum Laude (Economic) mai le Kolisi a Harvard, mulimuli ane faauu lona MBA mai le aoga faapisinisi a Harvard. O le taimi nei, o loo nonofo nei Anupam ma lona toalua ma le la fanau tama e toa lua i Hillsborough, CA.

I tua atu o lona olaga galue i mea tau aoaoga ma faatekonolosi, e galue Anupam o se taitaifono i le NSVF, o se polokalame e faatatau i le faaliliuina o aoga a le malo ina ia gafatia e tamaiti aoga e vaivai le tamaoaiga ma matitiva.